[17:18]
Sjávarútvegsráðherra (Þorsteinn Pálsson) :
Herra forseti. Hafrannsóknastofnun hefur látið ráðuneytinu í té svohljóðandi svar við fyrirspurninni:
Hrygningarstofn þorsks hefur minnkað mjög mikið á undanförnum árum og ekki er von á neinum sterkum árgangi í hrygningarstofni næstu fimm árin. Nokkrar tölfræðilegar líkur eru á því að lítill hrygningarstofn samsettur úr fáum aldurshópum hafi minni möguleika á að gefa af sér stóran árgang en stór hrygningarstofn sem einkennist af fjölbreytilegri árgangaskipan. Því hefur verið gripið til þess ráðs að friða hrygningarstofninn á tveimur síðustu vertíðum. Því miður er mjög erfitt að sanna árangur af slíkum friðunaraðgerðum.
Eftir að netaveiðibannið í Breiðafirði tók gildi fyrir meira en 20 árum hafa bæði komið fram sterkir og veikir árgangar en fleiri þó veikir eins og kunnugt er. Talið er að árangur hrygningar og klaks geti verið misjafn eftir svæðum. Bestu skilyrðin eru talin vera grunnt út af suðurströndinni, en þó er talið hagkvæmt að hrygning eigi sér stað sem víðast og á sem lengstum tíma til þess að auka líkur á því að einhver hluti hrygningar og klaks lendi í hagstæðum umhverfisskilyrðum. Við teljum því hugsanlegt að friðun hrygningarsvæða í Breiðafirði hafi skilað árangri enda þótt engin leið sé að sanna það. Til þess að svo hefði mátt vera hefði þurft að stunda ítarlegar rannsóknir á hrygningarslóðinni og afdrifum þeirra lirfa sem klekjast út í Breiðafirði.
Sjávarútvegsráðherra (Þorsteinn Pálsson) :
Herra forseti. Hafrannsóknastofnun hefur látið ráðuneytinu í té svohljóðandi svar við fyrirspurninni:
Hrygningarstofn þorsks hefur minnkað mjög mikið á undanförnum árum og ekki er von á neinum sterkum árgangi í hrygningarstofni næstu fimm árin. Nokkrar tölfræðilegar líkur eru á því að lítill hrygningarstofn samsettur úr fáum aldurshópum hafi minni möguleika á að gefa af sér stóran árgang en stór hrygningarstofn sem einkennist af fjölbreytilegri árgangaskipan. Því hefur verið gripið til þess ráðs að friða hrygningarstofninn á tveimur síðustu vertíðum. Því miður er mjög erfitt að sanna árangur af slíkum friðunaraðgerðum.
Eftir að netaveiðibannið í Breiðafirði tók gildi fyrir meira en 20 árum hafa bæði komið fram sterkir og veikir árgangar en fleiri þó veikir eins og kunnugt er. Talið er að árangur hrygningar og klaks geti verið misjafn eftir svæðum. Bestu skilyrðin eru talin vera grunnt út af suðurströndinni, en þó er talið hagkvæmt að hrygning eigi sér stað sem víðast og á sem lengstum tíma til þess að auka líkur á því að einhver hluti hrygningar og klaks lendi í hagstæðum umhverfisskilyrðum. Við teljum því hugsanlegt að friðun hrygningarsvæða í Breiðafirði hafi skilað árangri enda þótt engin leið sé að sanna það. Til þess að svo hefði mátt vera hefði þurft að stunda ítarlegar rannsóknir á hrygningarslóðinni og afdrifum þeirra lirfa sem klekjast út í Breiðafirði.