[13:39]
Viðskiptaráðherra (Sighvatur Björgvinsson) :
Virðulegi forseti. Eins og allir þingmenn vita hlýtur þetta að vera rangt því enginn maður hefur farið jafnmiklum viðurkenningarorðum um Jón Sigurðsson hér á Alþingi eins og hv. þm. Páll Pétursson, eins og allir vita. Eins og öllum er kunnugt þá er hv. þm. mjög kunnur á norrænum vettvangi enda hefur hann verið forseti Norðurlandaráðs tvívegis og því er mjög eðlilegt að norrænir aðilar sem þekkja mjög vel til hv. þm. taki mikið mark á hans orðum.
