[16:36]
Fyrirspyrjandi (Margrét Frímannsdóttir) :
Virðulegi forseti. Á þskj. 186 legg ég fram nokkrar spurningar til hæstv. heilbrrh. varðandi framlög úr Framkvæmdasjóði aldraðra. Hinn 1. jan. 1993 tók gildi breyting á lögum um málefni aldraðra nr. 89/1989, með síðari breytingum. Breyting þessi var samhljóða breytingu sem áður hafði verið gerð og var nú framlengd. Hér er um að ræða breytt hlutverk Framkvæmdasjóðs aldraðra þar sem aukin áhersla er lögð á heimild til úthlutunar úr sjóðnum vegna reksturs stofnana fyrir aldraða. Í fyrsta lagi fól lagabreytingin í sér heimild til að styðja sveitarfélögin og heilsugæslustöðvarnar til að koma á fót og reka heimaþjónustu fyrir aldraða. Í öðru lagi að veita rekstrarfé á árunum 1993, 1994 og 1995 til stofnana fyrir aldraða í samræmi við ákvæði fjárlaga þó aldrei meira en 55% af heildarúthlutun sjóðsins á viðkomandi ári. Reglugerð um Framkvæmdasjóð aldraðra hefur tekið breytingum í samræmi við þetta.
Við umfjöllun þessara breytinga hér á Alþingi tók ég það svo að fyrst og fremst væri verið að fjalla um aukin rekstrarframlög til stofnana sem einungis væru ætlaðar öldruðum eða til reksturs sérstakra öldrunardeilda á sjúkrahúsum. Þetta ákvæði laganna virðist hins vegar vera túlkað mjög rúmt svo ekki sé meira sagt. Eftir þeim gögnum sem ég hef undir höndum þá hefur ekki einungis verið veitt fjármagn úr sjóðnum til sjúkrahúsa vegna rekstrar sérstakra deilda fyrir aldraða heldur einnig vegna einstakra aðgerða sem framkvæmdar eru. Þannig fékk t.d. eitt ákveðið sjúkrahús á árinu 1992 beint framlag úr Framkvæmdasjóði aldraðra án tilgreindra verkefna 9 millj. kr., vegna hvíldarinnlagna aldraðra 6.140.000 kr. og vegna mjaðmaaðgerða 3,3 millj. kr. Á þessu ári hefur sama sjúkrahús fengið framlög úr Framkvæmdasjóði aldraðra vegna hvíldarinnlagna 5 millj. kr. og vegna mjaðmaaðgerða 6 millj. kr. Þetta heitir á rekstraryfirliti þessa sjúkrahúss: Framlög úr sjóðnum vegna sérverkefna.
Látum nú vera þó sjúkrastofnanir fái framlög úr Framkvæmdasjóði aldraðra vegna hvíldarinnlagna aldraðra á tíma sem starfsemi ákveðinna deilda liggur niðri vegna fjárskorts og hægt er að nýta sjúkrarúm vegna þessa. Þó hlýtur stjórn sjóðsins að fara fram á skýrslu viðkomandi stofnunar vegna slíkra framlaga. Hvíldarinnlögn getur einnig að mínu mati fallið innan skilgreiningar á lagatextanum eftir þær breytingar sem gerðar voru á lögum um málefni aldraðra. Hins vegar finnst mér það mjög rúm túlkun að heimilt sé að veita fjármagn til einstakra læknisaðgerða eins og þeirra sem hér um ræðir en samtals fær þessi sjúkrastofnun á árinu 1992--1993 9,3 millj. kr. til mjaðmaaðgerða. Ég velti því fyrir mér hvort þetta sé stefna ríkisstjórnarinnar og hvort í framhaldi af þessu verði gerðir sérstakir verktakasamningar við sjúkrastofnanir vegna aðgerða á öldruðum. Því spyr ég:
Hvernig eru greiðslur úr Framkvæmdasjóði aldraðra vegna einstakra læknisaðgerða ákveðnar?
Fyrirspyrjandi (Margrét Frímannsdóttir) :
Virðulegi forseti. Á þskj. 186 legg ég fram nokkrar spurningar til hæstv. heilbrrh. varðandi framlög úr Framkvæmdasjóði aldraðra. Hinn 1. jan. 1993 tók gildi breyting á lögum um málefni aldraðra nr. 89/1989, með síðari breytingum. Breyting þessi var samhljóða breytingu sem áður hafði verið gerð og var nú framlengd. Hér er um að ræða breytt hlutverk Framkvæmdasjóðs aldraðra þar sem aukin áhersla er lögð á heimild til úthlutunar úr sjóðnum vegna reksturs stofnana fyrir aldraða. Í fyrsta lagi fól lagabreytingin í sér heimild til að styðja sveitarfélögin og heilsugæslustöðvarnar til að koma á fót og reka heimaþjónustu fyrir aldraða. Í öðru lagi að veita rekstrarfé á árunum 1993, 1994 og 1995 til stofnana fyrir aldraða í samræmi við ákvæði fjárlaga þó aldrei meira en 55% af heildarúthlutun sjóðsins á viðkomandi ári. Reglugerð um Framkvæmdasjóð aldraðra hefur tekið breytingum í samræmi við þetta.
Við umfjöllun þessara breytinga hér á Alþingi tók ég það svo að fyrst og fremst væri verið að fjalla um aukin rekstrarframlög til stofnana sem einungis væru ætlaðar öldruðum eða til reksturs sérstakra öldrunardeilda á sjúkrahúsum. Þetta ákvæði laganna virðist hins vegar vera túlkað mjög rúmt svo ekki sé meira sagt. Eftir þeim gögnum sem ég hef undir höndum þá hefur ekki einungis verið veitt fjármagn úr sjóðnum til sjúkrahúsa vegna rekstrar sérstakra deilda fyrir aldraða heldur einnig vegna einstakra aðgerða sem framkvæmdar eru. Þannig fékk t.d. eitt ákveðið sjúkrahús á árinu 1992 beint framlag úr Framkvæmdasjóði aldraðra án tilgreindra verkefna 9 millj. kr., vegna hvíldarinnlagna aldraðra 6.140.000 kr. og vegna mjaðmaaðgerða 3,3 millj. kr. Á þessu ári hefur sama sjúkrahús fengið framlög úr Framkvæmdasjóði aldraðra vegna hvíldarinnlagna 5 millj. kr. og vegna mjaðmaaðgerða 6 millj. kr. Þetta heitir á rekstraryfirliti þessa sjúkrahúss: Framlög úr sjóðnum vegna sérverkefna.
Látum nú vera þó sjúkrastofnanir fái framlög úr Framkvæmdasjóði aldraðra vegna hvíldarinnlagna aldraðra á tíma sem starfsemi ákveðinna deilda liggur niðri vegna fjárskorts og hægt er að nýta sjúkrarúm vegna þessa. Þó hlýtur stjórn sjóðsins að fara fram á skýrslu viðkomandi stofnunar vegna slíkra framlaga. Hvíldarinnlögn getur einnig að mínu mati fallið innan skilgreiningar á lagatextanum eftir þær breytingar sem gerðar voru á lögum um málefni aldraðra. Hins vegar finnst mér það mjög rúm túlkun að heimilt sé að veita fjármagn til einstakra læknisaðgerða eins og þeirra sem hér um ræðir en samtals fær þessi sjúkrastofnun á árinu 1992--1993 9,3 millj. kr. til mjaðmaaðgerða. Ég velti því fyrir mér hvort þetta sé stefna ríkisstjórnarinnar og hvort í framhaldi af þessu verði gerðir sérstakir verktakasamningar við sjúkrastofnanir vegna aðgerða á öldruðum. Því spyr ég:
Hvernig eru greiðslur úr Framkvæmdasjóði aldraðra vegna einstakra læknisaðgerða ákveðnar?
Hvaða sjúkrastofnanir hafa fengið slíkar greiðslur 1992 og 1993? Hversu háar voru greiðslurnar, sundurliðaðar á hvort ár og stofnun?
Hver var aldur þeirra sjúklinga sem hér um ræðir:
a. meðalaldur,
b. lægsti aldur?