[16:33]
Fyrirspyrjandi (Valgerður Sverrisdóttir) :
Hæstv. forseti. Mikill og vaxandi áhugi er á uppgræðslu og varðveislu landgæða í sveitum Íslands. Landgræðslufélög hafa verið stofnuð á nokkrum stöðum og er verið að vinna að stofnun félaga á fleiri. Slík félög eru vel fallin til að sameina bændur og aðra íbúa viðkomandi svæða til átaka á sviði landgræðslu. Allir stjórnmálaflokkar á Íslandi hafa á stefnuskrá sinni að efla landgræðslu.
Í markmiðahefti hæstv. ríkisstjórnar, bláa heftinu, sem sett var saman þegar ríkisstjórnin tók við völdum í apríl 1991, þá koma þar fram markmið í ýmsum málaflokkum og m.a. segir í nr. 10, með leyfi forseta, að eitt af því sem ríkisstjórnin vilji ná fram er að styðja einstaklinga og félög í baráttu gegn landeyðingu og berjast fyrir gróðurvernd. En síðan kemur í svokallaðri hvítbók nánar um þetta. Á bls. 30 segir, með leyfi forseta:
,,Ríkisstjórnin hyggst fela bændum fleiri verkefni en nú á sviði landgræðslu og skógræktar, nýta þannig þekkingu þeirra og aðstöðu og skapa þeim fjölbreyttari atvinnutækifæri.``
Rétt er að minna á að Alþingi hefur nýlega samþykkt ályktun um að stöðva eyðingu jarðvegs og gróðurs þar sem þess er kostur fyrir aldamót. Í baráttunni við stöðvun á eyðingu jarðvegs og gróðurs er mikilvægt að öll þjóðin leggi málinu lið en bændur og aðrir landnotendur gegna þar lykilhlutverki. Þekkingu þessara aðila þarf að nýta á jákvæðan hátt með stuðningi Landgræðslunnar frekar en valdboði stjórnvalda. Mér er kunnugt um það að bændur hafa tekið þátt í uppgræðslustarfi í samvinnu við Landgræðsluna og það starf er til mikilla hagsbóta fyrir bændur. Má m.a. nefna að melar hafa verið græddir upp og með bættu beitarskipulagi eykst beitarþol úthagans. Auk þess má nefna að uppgræðsla heimalanda er mikilvægur hlekkur í því að gera landbúnaðinn umhverfisvænan og þar með að bæta ímynd bænda. Þess vegna hef ég leyft mér, hæstv. forseti, að bera fram fsp. á þskj. 197 sem er í 5 liðum og hljóðar svo, með leyfi forseta:
,,1. Hvernig hefur samstarfi bænda og Landgræðslu ríkisins verið háttað á árinum 1992 og 1993 við uppgræðslu heimalanda?
2. Hversu margir bændur hafa tekið þátt í slíkum verkefnum?
3. Um hve stórt svæði lands er að ræða?
4. Hvernig skiptist kostnaður á milli aðila?
5. Hver eru áform ráðuneytisins um samstarf bænda og Landgræðslu ríkisins á sviði uppgræðslustarfa á árinu 1994?``
Fyrirspyrjandi (Valgerður Sverrisdóttir) :
Hæstv. forseti. Mikill og vaxandi áhugi er á uppgræðslu og varðveislu landgæða í sveitum Íslands. Landgræðslufélög hafa verið stofnuð á nokkrum stöðum og er verið að vinna að stofnun félaga á fleiri. Slík félög eru vel fallin til að sameina bændur og aðra íbúa viðkomandi svæða til átaka á sviði landgræðslu. Allir stjórnmálaflokkar á Íslandi hafa á stefnuskrá sinni að efla landgræðslu.
Í markmiðahefti hæstv. ríkisstjórnar, bláa heftinu, sem sett var saman þegar ríkisstjórnin tók við völdum í apríl 1991, þá koma þar fram markmið í ýmsum málaflokkum og m.a. segir í nr. 10, með leyfi forseta, að eitt af því sem ríkisstjórnin vilji ná fram er að styðja einstaklinga og félög í baráttu gegn landeyðingu og berjast fyrir gróðurvernd. En síðan kemur í svokallaðri hvítbók nánar um þetta. Á bls. 30 segir, með leyfi forseta:
,,Ríkisstjórnin hyggst fela bændum fleiri verkefni en nú á sviði landgræðslu og skógræktar, nýta þannig þekkingu þeirra og aðstöðu og skapa þeim fjölbreyttari atvinnutækifæri.``
Rétt er að minna á að Alþingi hefur nýlega samþykkt ályktun um að stöðva eyðingu jarðvegs og gróðurs þar sem þess er kostur fyrir aldamót. Í baráttunni við stöðvun á eyðingu jarðvegs og gróðurs er mikilvægt að öll þjóðin leggi málinu lið en bændur og aðrir landnotendur gegna þar lykilhlutverki. Þekkingu þessara aðila þarf að nýta á jákvæðan hátt með stuðningi Landgræðslunnar frekar en valdboði stjórnvalda. Mér er kunnugt um það að bændur hafa tekið þátt í uppgræðslustarfi í samvinnu við Landgræðsluna og það starf er til mikilla hagsbóta fyrir bændur. Má m.a. nefna að melar hafa verið græddir upp og með bættu beitarskipulagi eykst beitarþol úthagans. Auk þess má nefna að uppgræðsla heimalanda er mikilvægur hlekkur í því að gera landbúnaðinn umhverfisvænan og þar með að bæta ímynd bænda. Þess vegna hef ég leyft mér, hæstv. forseti, að bera fram fsp. á þskj. 197 sem er í 5 liðum og hljóðar svo, með leyfi forseta:
,,1. Hvernig hefur samstarfi bænda og Landgræðslu ríkisins verið háttað á árinum 1992 og 1993 við uppgræðslu heimalanda?
2. Hversu margir bændur hafa tekið þátt í slíkum verkefnum?
3. Um hve stórt svæði lands er að ræða?
4. Hvernig skiptist kostnaður á milli aðila?
5. Hver eru áform ráðuneytisins um samstarf bænda og Landgræðslu ríkisins á sviði uppgræðslustarfa á árinu 1994?``