[17:52]
Rannveig Guðmundsdóttir :
Virðulegi forseti. Þetta mál er flutt af sjútvn. en á fundi þingflokksformanna með forseta var það kynnt fyrir okkur fyrr í dag, og fyrirhuguð afgreiðsla þess á þessum degi, og helst að reyna að ljúka afgreiðslu hratt hér í dag.
Ég hef tekið þetta mál fyrir og kynnt efni þess í þingflokki Alþfl. og við viljum standa að þessu máli og greiða götu þess í dag þannig að málið verði afgreitt fljótt og vel. Mér fannst mikilvægt að koma hér upp og lýsa þessu yfir þar sem fulltrúi okkar flokks í nefndinni er ekki á þessum fundi.
