Ferill 83. máls. Aðrar útgáfur af skjalinu: Word Perfect.
1993–94. – 1063 ár frá stofnun Alþingis.
117. löggjafarþing. – 83 . mál.
371. Breytingartillögur
við frv. til l. um almannatryggingar.
Frá minni hluta heilbrigðis- og trygginganefndar (FI, IP, MF, ISG).
Á vegum Tryggingastofnunar ríkisins skal starfræktur tryggingaskóli. Hlutverk hans er að mennta og þjálfa starfsmenn stofnunarinnar og svæðisskrifstofa með það að markmiði að tryggja hæfni þeirra og þekkingu á sviði tryggingamála. Ráðherra skal, að fengnum tillögum tryggingaráðs og í samvinnu við menntamálaráðuneyti, semja skipulagsskrá og starfsreglur fyrir skólann.
Þegar ekki verður séð hver örorka einstaklings verður til frambúðar eftir sjúkdóma eða slys skal greiða honum endurhæfingarlífeyri í allt að tólf mánuði eftir að greiðslu sjúkra- eða slysadagpeninga samkvæmt lögum um almannatryggingar lýkur eða þar til unnt er að meta varanlega örorku, þó aldrei lengur en í 18 mánuði. Skilyrði er að viðkomandi gangist undir greiningu eða meðferð á sjúkrastofnun eða utan slíkrar stofnunar eftir reglum sem tryggingaráð setur og ráðherra staðfestir. Endurhæfingarlífeyrir skal nema sömu fjárhæð og grunnlífeyrir örorkulífeyris ásamt tekjutryggingu. Sjúkrahúsvist í greiningar- og endurhæfingarskyni skerðir ekki bótagreiðslur.
d. Foreldri hlýtur eigi minni bætur en 193.055 kr. og allt að 579.165 kr. eftir því að hve miklu leyti það naut stuðnings hins látna við fráfall hans.
l. Uppihaldsstyrk til sjúklings og fylgdarmanns ef dvelja þarf 14 daga samfellt eða lengur á 12 mánaða tímabili vegna læknismeðferðar utan heimabyggðar. Uppihaldsstyrkur greiðist frá og með 15. degi. Skilyrði er að ekki sé hægt að veita sjúklingi nauðsynlega meðferð í heimabyggð. Styrkur til sjúklings miðast við dvöl hans utan sjúkrahúss. Ráðherra skal setja frekari reglur um greiðslu uppihaldsstyrks.