[01:03]
Svavar Gestsson (andsvar) :
Virðulegi forseti. Ég er alveg sammála hv. 6. þm. Norðurl. e. í því að það sem skiptir máli í þessu efni er auðvitað forgangsröðunin og ég viðurkenni að ég hefði kosið aðra aðferð til þess að koma út þessum hálfa til heila milljarði en gert er í þessari yfirlýsingu. Þá er ég að tala um lífeyrisréttindi út af fyrir sig en ég hefði hins vegar, hæstv. forseti, ekki notað peningana til að lækka verð á bílum, það viðurkenni ég.
