[02:38]
Steingrímur J. Sigfússon (andsvar) :
Ég átta mig ekki alveg á því, hæstv. forseti, hvað viðskrh. ætlar að sanna með þessum reiknikúnstum. Hann kemur hér í ræðustólinn ferð eftir ferð og lengir alltaf um hálft til eitt ár í hverri ferð þann tíma sem Alþb. hafi verið í ríkisstjórn án Alþfl. og þetta á að vera eitthvert innlegg í umræðuna um lánskjaravísitölu. Það skil ég ekki.
Hitt er alveg hárrétt hjá hæstv. viðskrh. að það er lofsvert og þeim mun lofsverðara sem tíminn er lengri að vera yfirleitt í ríkisstjórn án Alþfl. Það er rétt.