[14:50]
Frsm. allshn. (Björn Bjarnason) :
Hæstv. forseti. Álit nefndarinnar er á þskj. 872. Þar kemur fram að nefndin hefur gert breytingu við tillöguna og er breytingin svohljóðandi:
,,Alþingi ályktar að fela dómsmálaráðherra að skipa nefnd sem leggi grundvöll að samráðsvettvangi hlutaðeigandi aðila um fréttaflutning og upplýsingaskyldu stofnana um slysfarir og harmraunir fólks.``
Fjarverandi við afgreiðslu málsins var Jón Helgason en nefndin stendur samhljóða að þessari tillögu.
Ég nota þetta tækifæri til að þakka samnefndarmönnum mínum í allshn. gott samstarf og sérstaklega formanni nefndarinnar. Á þessu kjörtímabili hefur hv. allshn. fjallað um mörg mikilvæg mál og marga merka lagabálka og ég tel að í störfum nefndarinnar hafi tekist vel að koma þessu málum fram á hinu háa Alþingi með þeim hætti að nefndinni sé til sóma. Ég ítreka þakkir mínar og sérstaklega til formanns hvernig hún hafi stjórnað nefndinni á þessu kjörtímabili.