[14:04]
Jón Kristjánsson :
Virðulegi forseti. Nú var hæstv. iðnrh. aldeilis heppinn að ég skyldi mismæla mig og segja veiðimálastjóri í staðinn fyrir veiðistjóri, enda var það uppistaðan í síðara svari hans um flutning aðalstöðva Rafmagnsveitna ríkisins á Austurland. Þessi umræða er náttúrlega skólabókardæmi um útúrsnúninga af hendi hæstv. ráðherra sem kom til af því að hann er alveg rökþrota í málinu. Það er alveg ljóst að ríkisstjórnin hefur verið að setja af stað verk af einhverjum ástæðum sem hún ætlaði sér aldrei að fylgja eftir.