[14:00]
Guðný Guðbjörnsdóttir :
Virðulegi forseti. Ég harma það mjög sem háskólakennari hvers konar ummæli eru hér höfð um sérfræðiskýrslur háskólans, einkum frá hv. þm. Páli Péturssyni. Kannski þetta viðhorf eigi sinn þátt í því hvernig fjárveitingum til háskólans er nú háttað.
Efnislega tek ég undir þá gagnrýni að það séu óforsvaranleg vinnubrögð að kynna skýrslur í utanrmn. sem trúnaðarmál og kynna þær síðan á opnum stjórnmálafundi.