Forseti (Pálmi Jónsson) :
Áður en gengið verður til dagskrár fara fram umræður utan dagskrár um skuldastöðu heimilanna. Málshefjandi er hv. 5. þm. Suðurl., Guðni Ágústsson, en hæstv. félmrh. verður til andsvara. Umræðan fer
fram skv. 2. mgr. 50. gr. þingskapa. Samkomulag hefur orðið um það milli þingflokka, sbr. 2. mgr. 72. gr. þingskapa, að umræðan standi í allt að tvær og hálfa klukkustund. Umræðutími skiptist þannig að hver þingflokkur hefur 25 mínútur, þingflokkur málshefjanda og félmrh. þó 5 mínútum meira eða samtals 30 mínútur. Enn fremur er samkomulag um að hv. 12. þm. Reykv., Jóhanna Sigurðardóttir, utan flokka, hafi allt að 12 mínútur.