[22:20]
Jóhannes Geir Sigurgeirsson (andsvar) :
Virðulegur forseti. Ég þakka hv. þm. Guðrúnu Helgadóttur fyrir ábendingarnar en ég vil þó leiðrétta hana um tillögur nefndarinnar. Hér er um að ræða tillögur meiri hluta nefndarinnar, þ.e. meirihlutafulltrúanna í nefndinni og þær breytingartillögur eru í raun alfarið á ábyrgð þeirra, m.a. vegna þess að því var hafnað að taka inn nema hluta af þeim tillögum sem komu samhljóða frá heilbr.- og trn. En ég mun koma ábendingunum til skila og við skulum vona að hægt verði að gera hið besta úr þessu.
