Ferill 72. máls. Aðrar útgáfur af skjalinu: Word Perfect.
1994. – 1064 ár frá stofnun Alþingis.
118. löggjafarþing. – 72 . mál.
404. Nefndarálit
um frv. til l. um bókhald.
Frá efnahags- og viðskiptanefnd.
Nefndin hefur fjallað um málið og fengið á fund til sín Guðmund Guðbjarnason, formann nefndarinnar er samdi frumvarpið, Braga Gunnarsson, lögfræðing í fjármálaráðuneyti, og Jónat
Umsagnir um málið bárust frá BHMR, Félagi löggiltra endurskoðenda, Íslenskri verslun, Neytendasamtökunum, ríkisskattsjóra, Sambandi íslenskra sveitarfélaga, Samtökum íslenskra verðbréfafyrirtækja og skattrannsóknarstjóra ríkisins.
Nefndin mælir með samþykkt frumvarpsins með breytingum sem gerð er tillaga um á sér
1 . Lagt er til að tekin verði af tvímæli um að þeir sem undanþegnir eru að færa tvíhliða bókhald skuli færa í stað þess þær bækur sem upp eru taldar í 5. mgr. 10. gr. frumvarpsins.
2 . Lagt er til að hugtakið „innra eftirlit“ verði skilgreint í frumvarpinu og að efnisatriði 3. og 4. mgr. 7. gr. verði sameinuð í eina málsgrein.
3 . Í 10. gr. er lögð til leiðrétting á tilvísun.
4 . Lagt er til að ákvæði 14. gr. verði víkkað út þannig að það nái einnig til þess þegar verið er að stemma af aðra greiðslureikninga en sjóðreikning við færslur í sundurliðunarbók. Þetta er gert með tilliti til þess að algengast er að reikningar séu greiddir með öðru greiðslufyrirkomulagi en peningum.
5 . Lagt er til að orðinu „heiti“, þ.e. vöruheiti, verði skotið inn í upptalningu 16. gr.
6 . Lagt er til að taka hugtakið „innri strimill“ inn í stað orðsins „sjóðvélastrimill“ í 20. gr. til samræmis við notkun þess orðs í reglugerð um tekjuskráningu virðisaukaskattsskyldra að
7 . Lögð er til breyting á 24. gr. frumvarpsins sem mælir fyrir um að ekki megi sýna nettóútkomu á einstökum liðum með því að draga tekjur frá gjöldum og skuldir frá eignum eða öf
8 . Lögð er til breyting á orðalagi 25. gr.
9 . Lagt er til að 28. gr. verði breytt þannig að ákvæði 3. mgr. verði samræmt ákvæði 1. mgr. 27. gr. frumvarps til laga um ársreikninga, sem gert er ráð fyrir að verði samþykkt samhliða, varðandi mat vörubirgða.
10 . Lögð er til orðalagsbreyting á 32. gr.
11. Loks er lagt til að heiti III. kafla breytist þannig að í stað heitisins „Ársreikningur og skýringar“ standi aðeins „Ársreikningur“.
Jóhanna Sigurðardóttir sat fundi nefndarinnar sem áheyrnarfulltrúi og er samþykk áliti þessu.
Alþingi, 17. des. 1994.
Jóhannes Geir Sigurgeirsson, Vilhjálmur Egilsson. Guðmundur Árni Stefánsson.
form., frsm.
Guðjón Guðmundsson. Ingi Björn Albertsson. Kristín Ástgeirsdóttir.
Finnur Ingólfsson. Sólveig Pétursdóttir. Steingrímur J. Sigfússon.