[18:22]
Forsætisráðherra (Davíð Oddsson) (andsvar) :
Herra forseti. Ég vek athygli á því að Verslunarráðið lætur nánast allt í þjóðfélaginu til sín taka í sambandi við verslun og viðskipti. Það er alls ekki í samræmi við hugsun stjórnsýslulaga eða stjórnsýsluréttar og vanhæfisreglna að slíkur maður væir óhæfur til að sitja hér á þingi frekar en til að mynda forustumenn launþegahreyfingar væru óhæfir til að fjalla um launamál eða kjaramál hér í þingstörfunum. Hitt kann aftur að horfa öðruvísi við ef um beina persónulega eignaraðild einstaklinga er að ræða. Þá kann að fara betur á því að viðkomandi taki ekki beinan þátt í slíkum störfum.