Forseti (Guðni Ágústsson) :
Borist hefur svohljóðandi bréf til forseta Alþingis frá þingflokki Alþfl.:
,,Beiðni um tvöföldun ræðutíma.
Vegna mikilvægis mála á dagskrá Alþingis, þ.e. stjórnarfrumvarpa um breytingar á lögum um stjórnun fiskveiða og ,,bandorms`` um breytingar á ýmsum lögum í framhaldi af aðild Íslands að Alþjóðaviðskiptastofnuninni, beinir þingflokkur Alþfl. þeim tilmælum til forseta að ræðutími við 1. umr. verði 40 mínútur í stað venjulegs ræðutíma.
Hér er um rétt þingflokks að ræða samkvæmt þingsköpum þannig að umræðutími verður tvöfaldur.
