[prenta uppsett í dálka] 82. fundur
[14:40]
Kristján Pálsson (andsvar):
Herra forseti. Ég er svo sannarlega ekki súr yfir því að þetta mál skuli hafa vakið verðskuldaða athygli og þar með náttúrlega kemur skýrt fram hverjir bera ábyrgð á því hvernig þessum málum er komið. Það var svo sannarlega tími til kominn að þjóðin áttaði sig á því. Einnig held ég að það hafi verið tími til kominn að framsóknarmenn áttuðu sig á því að það er búið að veðsetja aflaheimildir í áraraðir. Framsóknarmenn eru kannski fyrst að finna það út núna. Það er búið að gera þetta síðan 1988 í það minnsta þannig að það er ágætt að menn átti sig á staðreyndum málsins og þetta verði síðan rætt á þeim forsendum framvegis.
