[15:18]
Guðný Guðbjörnsdóttir (andsvar):
Virðulegi forseti. Hæstv. sjútvrh. spyr hvers vegna ég og fleiri þingmenn flytjum ekki tillögu um breytingu á þessu frv. þar sem bannað yrði að veðsetja aflaheimildir. Ég til taka skýrt fram að ég hef við þessa umræðu fagnað því að ekki á að lögfesta heimildir til að veðsetja veiðiheimildir. Ef lánastofnanir vilja áfram taka veð í veiðiheimildum á eigin ábyrgð þá er það að mínu mati alfarið þeirra mál og þeirra áhætta. Fyrir mér vakir það eitt að tryggja sameignarákvæði fiskveiðistjórnunarlaganna.