[prenta uppsett í dálka] 89. fundur
[15:04]
Kristín Halldórsdóttir (andsvar):
Herra forseti. Ég vil þakka hv. formanni samgn. fyrir upplýsingarnar. Það sem ég var að benda á í mínu máli var aðeins hversu lítið er orðið eftir til framkvæmda á höfuðborgarsvæðinu í þessum lið þegar búið er að draga þessa skuldagreiðslu frá. Sú skuldagreiðsla kom vitanlega til þegar menn fóru að skoða málin og áttuðu sig á því hversu hlutur Reykjavíkur hafði setið eftir í vegaframkvæmdum í gegnum árin. Það var aðeins þetta sem ég var að benda á og ég held að við getum öll verið sammála um að hvort sem um er að ræða Reykjavík eða önnur kjördæmi landsins þá er staðan mjög erfið.
