[16:24]
Gísli S. Einarsson (andsvar):
Herra forseti. Ég vil þakka fyrir athugasemdir hæstv. ráðherra. Það sem ég var að gera með minni áskorun var að skora á hæstv. ráðherra að beita sér fyrir notkun steinsteypu þar sem það á við, nota íslenskt efni þar sem það á við, þar sem það er bæði meira atvinnuskapandi og þar sem steinsteypan reynist vera við skoðun ódýrari. Þess vegna legg ég mikla áherslu á að þessi þáltill. sem ég hef gert að umræðuefni verði afgreidd frá þinginu og það hið fyrsta.