[prenta uppsett í dálka] 90. fundur
[15:54]
Flm. (Kristján Pálsson) (andsvar):
Herra forseti. Mér finnst málflutningur hv. þm. einmitt vera leikfimi. Hann er mjög góður í þeirri leikfimi að teygja á málflutningi á þann hátt sem kemur málinu síst við. Í þessu tilfelli sýnist mér að hv. þm. vilji helst ekki ræða um það sem er til umræðu, þ.e. frumvörpin sjálf og hvernig menn vilji breyta aðstæðum í íslenskum sjávarútvegi þannig að hann megi eflast mun betur en hann hefur gert hingað til. Ég vil fyrst og fremst vekja athygli á því hvernig hv. þm. vill drepa umræðunni á dreif, hann vill helst ekki ræða það mál sem er til umræðu. (SJS: Hvernig mundi þingmaðurinn greiða atkvæði?) Þingmaðurinn greiðir atkvæði þegar þar að kemur og það er hans mál, ekki neins annars.
