[prenta uppsett í dálka] 96. fundur
Árni M. Mathiesen (andsvar):
Herra forseti. Ég er vanastur því eftir áralöng kynni af hv. 9. þm. Reykn. að skoðanir hans liggi jafnan ljósar fyrir. Eftir að hafa hlýtt á ræðu hv. 9. þm. Reykn., bæði hér í þingsalnum og eins í sjónvarpi í öðru herbergi í húsinu, er mér ekki ljóst hvort hann er samþykkur því grundvallaratriði þessa frv. að breyta Pósti og síma í hlutafélag eða ekki. Því vil ég spyrja hv. þm. Guðmund Árna Stefánsson: Er hann samþykkur því að breyta Pósti og síma í hlutafélag eða er hann mótfallinn því?
