[prenta uppsett í dálka] 96. fundur
Samgönguráðherra (Halldór Blöndal) (andsvar):
Herra forseti. Ég ítreka enn að þessi fyrirspurn um elli- og örorkulífeyrisþega er algerlega tilefnislaus. Það hefur engin tillaga komið fram um það, hvorki innan Póst- og símamálastofnunar, frá heilbr.- og trmrh. eða í samgrn. að skerða hlut þessa fólks. Ég skil satt að segja ekki hvernig hv. þingmönnum dettur þetta í hug. Þetta hefur ekki komið upp og ég átta mig ekki á þeim hvötum sem liggja að baki því að reyna að gefa það í skyn að með þessu frv. eigi sérstaklega að níðast á þessu fólki.
