Ásta R. Jóhannesdóttir (andsvar):
Herra forseti. Ég tek undir að það er mjög mikilvægt að þessi umræða er hafin og ég ítreka að ég tel að það þurfi að vera komin niðurstaða í þessi mál áður en við afgreiðum flugmálaáætlun úr samgn. fyrir vorið. Það er mikilvægt að við þingmenn í samgn. fáum upplýsingar um það hvernig málum verði háttað varðandi framkvæmdir á Reykjavíkurflugvelli áður en við afgreiðum flugmálaáætlun fyrir árin 1996--1999, til næstu fjögurra ára.