Guðmundur Hallvarðsson (andsvar):
Herra forseti. Það er alveg rétt sem kom fram hjá síðasta ræðumanni að öryggismálin eru enginn smáþáttur í þessu máli og það verður auðvitað að horfa á hann. En síðast en ekki síst þykir mér sérlega vænt um það hvernig borgarstjóri svaraði þessu máli í Morgunblaðinu vegna þess að væntanlega gerir hann eins og fleiri Reykvíkingar, þó ekki allir í núverandi meiri hluta borgarstjórnar, sér fulla grein fyrir hinu stóra atvinnuspursmáli sem við erum hér að fjalla um.