[prenta uppsett í dálka] 100. fundur
Samgönguráðherra (Halldór Blöndal):
Herra forseti. Þetta frv. er einfalt í sniðum og lýtur eingöngu að nauðsynlegum breytingum á póstlögum með hliðsjón af því að Póst- og símamálastofnun verði breytt í Póst og síma hf. Það mál var ítarlega rætt á Alþingi á dögunum. Frv. snýr að því hvernig haldið skuli á einkaréttinum. Gert er ráð fyrir því að Pósti og síma hf. verði falið að annast um þá þjónustu sem gert er ráð fyrir að ríkið hafi einkarétt á eftir lögunum. Ég sé ekki ástæðu að fjölyrða um það frekar. Ég legg til að málinu verði vísar til samgn. og 2. umr.
