[prenta uppsett í dálka] 111. fundur
Guðný Guðbjörnsdóttir:
Virðulegi forseti. Ég fagna þessari fyrirspurn og þakka svör ráðherra. Ég vil taka undir þau orð sem hér hafa fallið um mikilvægi þess að setja á stofn embætti umboðsmanns jafnréttismála. Það þarf að styrkja framkvæmdahlið þessa málaflokks og ég er sannfærð um, miðað við það sem ég kynnti mér af störfum umboðsmanna á Norðurlöndum, að þetta er mjög mikilvægt embætti. Ég vil skora á hæstv. félmrh. og ráðherra jafnréttismála að íhuga þetta mál gaumgæfilega m.a. til að reyna að komast upp úr þeim hjólförum sem jafnréttismálin eru í hér á landi.
