Félagsmálaráðherra (Páll Pétursson) (andsvar):
Herra forseti. Meginmarkmið þessa frv. er að bæta samskiptareglur á vinnumarkaði og það á ekki að koma neinum á óvart að frv. komi fram. Það var beinlínis ákvarðað í stjórnarsáttmála og ég tel að sú vinna sem unnin hefur verið í nefndinni um samskiptareglur á vinnumarkaði hafi nýst vel við samningu þessa frv. og það hefur verið reynt að taka tillit til þeirra sjónarmiða sem komið hafa fram frá báðum aðilum. (SJS: Að bæta samskiptin með illu sem sagt.)