Pétur H. Blöndal (andsvar):
Herra forseti. Hv. þm. Össur Skarphéðinsson talar um neyðarúrræði og talar um sjómannasamningana og þeir bíða auðvitað svo og svo lengi. Er ekki einmitt tekið á því í þessu frv. með því að gera skal áætlun um hvernig samningaferlið eigi að vera? Þá verður ekki um það að ræða að menn séu í fjölda ára með lausa samninga. Ég minni hv. þm. á að flokkur hans eða a.m.k. hluti af honum, Vilmundur Gylfason og fleiri, stóðu einmitt að svipuðum áætlunum fyrir löngu um að koma meira lýðræði í verkalýðshreyfinguna.