[prenta uppsett í dálka] 113. fundur
Össur Skarphéðinsson (andsvar):
Herra forseti. Ég skil stundum ekki hvað gengur að þessum hv. ágæta þingmanni, Árna M. Mathiesen. Það er eins og hann skilji ekki þó maður tyggi aftur og aftur ofan í hann hlutina. Ég reyndi í eins ítarlegu máli og ég gat að greina frá afstöðu minni til einstakra þátta frv. Ég held að enginn þeirra sem tóku þátt í umræðunni af stjórnarandstöðunni og stjórnarliðunum í dag hafi greint jafnítarlega frá afstöðu til einstakra mikilvægra þátta.
Ég sagði líka að þetta frv. væri keyrt fram með ofbeldi og Alþfl. tekur ekki þátt í ofbeldisgerningi. Þess vegna tekur Alþfl. ekki þátt í því að gera þetta að lögum.
