[prenta uppsett í dálka] 115. fundur
Félagsmálaráðherra (Páll Pétursson) (andsvar):
Herra forseti. Ég kann kannski ekki að skýra þetta nægilega ítarlega, enda hef ég ekki samningana í höndunum. Sveitarfélagið sem slíkt greiðir fyrir því að íbúar í tekjulægri hópum eða tekjulágir íbúar komist í húsnæði. Það ábyrgist hluta af kaupverðinu en sleppur aftur á móti við þá kvöð sem sveitarfélagið ber núna að hafa kaupskyldu. Nú getur sá sem er í félagslega kerfinu skilað sinni íbúð og sveitarfélagið verður að leysa hana til sín. Ég held að þetta sé ekki óálitleg skipti fyrir sveitarfélagið.
