[prenta uppsett í dálka] 117. fundur
Össur Skarphéðinsson (andsvar):
Herra forseti. Það er alveg greinilegt að sá sem endanlega er lentur í mjölkvörninni er ekki hinn dauði vestfirski þorskur heldur er það hv. þm. Einar Oddur Kristjánsson. Ég hef aldrei fyrr lent í því að hlusta á eldheita ræðu hjá manni sem segir: Ég er á móti sóuninni og þess vegna legg ég til meiri sóun. Ég viðurkenni það, forseti, (EOK: Minni.) að ég er bara þingmaður með slaka meðalgreind og ég játa mig sigraðan.
