[prenta uppsett í dálka] 128. fundur
Frsm. meiri hluta allshn. (Sólveig Pétursdóttir) (andsvar):
Virðulegi forseti. Það hefur komið fram í máli mínu fyrr í dag að þegar verið var að semja barnasáttmálann gerði eitt ríki tillögu um að það yrði sett beint inn í ákvæði samningsins að barn ætti rétt á að vita líffræðilegan uppruna sinn. Þessum tilmælum var hafnað þannig að þetta ákvæði fór ekki inn í samninginn. Varðandi þá yfirlýsingu hv. þm. áðan að hún geti ekki samþykkt slíka málamiðlun hefur hún að sjálfsögðu fullan rétt á að hafa skoðanir sínar í því efni en þetta hlýtur að standast mannréttindaákvæði vegna þess að hér er um að ræða sömu réttarþróun og hefur átt sér stað í Evrópu á undanförnum árum.
