[prenta uppsett í dálka] 138. fundur
Jóhanna Sigurðardóttir:
Herra forseti. Með þessu ákvæði er verið að festa í sessi neðanjarðarlaunakerfið og auka því enn á misréttið í launamálum í landinu. Þetta ákvæði mun líka stuðla enn frekar að launamisrétti kynjanna en nýleg launakönnun sýnir að tvo þriðju hluta launamunar milli kvenna og karla megi skýra í mismunun í greiðslum sem ákvarðaðar eru eftir geðþótta yfirmanna. Þetta ákvæði sýnir vel siðleysið í hinni nýju starfsmannastefnu ríkisstjórnarinnar. Ég segi nei við þessu eftirlitslausa geðþóttalaunakerfi forstjóranna.
