Sighvatur Björgvinsson:
Virðulegi forseti. Eins og áður hefur komið fram byggjast sumar þessara umsagna á misskilningi. En mergurinn málsins er sá að verði þessi tillaga hv. þm. og meðflutningsmanna hans samþykkt, þá mun tæknifrjóvgun því sem næst leggjast niður á Íslandi og fjölmargar fjölskyldur sem bíða eftir úrlausn sinna mála munu bíða án árangurs. Ég tel það stórt og mikilvægt atriði í þessu máli og ráðandi um mína afstöðu. Ég segi nei.