Félagsmálaráðherra (Páll Pétursson) (andsvar):
Herra forseti. Ég ruddist ekki fram með neitt frv. Fyrir mína hönd voru sýnd af mestu hógværð drög eða umræðugrundvöllur að frv. um sáttastörf í vinnudeilum. Það var von okkar að málsaðilar aðrir, vinnuveitendur og verkalýðshreyfing, vildu gera svo vel að taka þátt í því með okkur að þróa málið og endurbæta frv. En þá hlupu menn bara í fýlu í Ölfusborgum og sögðu: Frumvörpin burt! Frumvörpin burt!