Gísli S. Einarsson:
Herra forseti. Ég segi já við þessari tillögu um að vísa frv. til ríkisstjórnarinnar þrátt fyrir að lagfæring hafi orðið á frv. vegna skeleggra mótmæla verkalýðshreyfingar og stjórnarandstöðu. Ég segi já vegna þess að grundvallarágreiningurinn stendur eftir. Hér er á ferðinni eitt mesta stórslys hvað varðar samskipti löggjafarvaldsins við vinnumarkaðinn sem stefnir til harðra átaka við að brjóta lögin á bak aftur. Ég skora á hæstv. forsrh. að hann sjái til þess að málið hverfi úr sölum Alþingis og samstarf verði tekið upp við aðila vinnumarkaðarins að nýju. Ég treysti því að svo verði gert og segi já.