Jóhanna Sigurðardóttir:
Herra forseti. Með þessu frv. fer ríkisstjórnin með fullkomnu offorsi gegn launafólki og eðlilegum samskiptum við verkalýðshreyfinguna í landinu. Hér er verið að knýja í gegn með gerræðislegum vinnubrögðum mjög umdeildar breytingar í fullkominni andstöðu við launþegahreyfinguna í landinu en í þökk atvinnurekenda. Þannig vinnur þessi ríkisstjórn gegn launafólki og gegn stöðugleikanum í landinu og stefnir með því friði á vinnumarkaðnum í algert uppnám. Þetta er mesta ögrun við launafólk í landinu sem við höfum séð um langan tíma. Ég segi já við því að vísa þessu máli frá.