[prenta uppsett í dálka] 146. fundur
Bryndís Hlöðversdóttir:
Herra forseti. Gervöll stjórnarandstaðan ásamt allri verkalýðshreyfingunni í landinu hefur eindregið lagst gegn frv. af ástæðum sem hafa margsinnis verið raktar í umræðunum. Verði frv. að lögum mun það valda ófriði á vinnumarkaði, stórri gjá á milli atvinnurekenda og samtaka launafólks sem stöðugt verður stærri. Ríkisstjórn Davíðs Oddssonar ber ábyrgð á afleiðingum á lögfestingu frv. ef af verður. Frv. er vont og ég leggst gegn samþykkt þess. Ég segi nei.
