[prenta uppsett í dálka] 150. fundur
Svavar Gestsson (andsvar):
Virðulegi forseti. Hv. þm. tók þátt í því ásamt mér í sínu fyrra starfi að reyna að tryggja að komið yrði á stuttum starfsmenntabrautum í framhaldsskólunum. Og það er ekkert nýtt í þessu frv. sem í raun og veru breytir því sem er í gildandi lögum í þeim efnum. Það hefur ekkert verið lagað.
Auk þess er það þannig að framhaldsskólinn hefur núna minni peninga á hvern nemanda en hann hafði þá til að vinna fyrir. Ég held því að þetta séu satt að segja í besta falli draumórar. En í versta falli er þetta að einhverju leyti tilraun til að blekkja, tilraun til að selja þetta frv. á forsendum sem eru ekki til. Það er ekkert nýtt fjármagn og ekkert nýtt skipulag í þessu frv. sem tryggir að verkmenntunin verði betur á sig komin í landinu. Það er þannig því miður, hæstv. forseti.
