[prenta uppsett í dálka] 151. fundur
Arnbjörg Sveinsdóttir (andsvar):
Hæstv. forseti. Ég hef séð tillögu hv. þingmanna Ragnars Arnalds, Guðmundar Árna Stefánssonar og Ástu Ragnheiðar Jóhannesdóttur en ég vísa í rök mín í ræðu minni áðan að þetta ákvæði á betur heima í fjarskiptalögum þar sem það á þá við öll þau fyrirtæki sem koma til með að starfa á þessu sviði. Í öðru lagi eru það mjög sterk rök að fyrirtæki þurfi ákveðinn aðlögunartíma og þegar hefur verið ákveðið að breyta gjaldskrársvæðum í tvö sem hefur mikil áhrif á þann hátt að þá sést hver þróunin verður í tekjuöflun fyrirtækisins og ákveðin aðlögun á sér stað að þessu umhverfi. Ég held að tillaga hv. þingmanna minni hlutans sé því ekki raunhæf og hafi hreinlega ekki verið sett fram með því hugarfari.
