[prenta uppsett í dálka] 151. fundur
Guðný Guðbjörnsdóttir:
Herra forseti. Sá fjöldi breytingartillagna sem fyrir liggur við 3. umr. málsins er glöggt merki um vinnubrögðin við allt þetta mál. Þó að frv. hafi vissulega skánað í meðförum þingsins eru enn á því óásættanlegir gallar. Til dæmis orkar tvímælis að flokka starfsmenn ríkisins í embættismenn og aðra starfsmenn, svo og hvernig sú flokkun er. Þá vil ég ítreka enn einu sinni að fæðingarorlof og veikindaréttur starfsmanna, sem ráðnir eru eftir gildistöku nýrra laga, er í uppnámi.
Það sem er þó óásættanlegast eru vinnubrögðin og sú staðreynd að málið er flutt í andstöðu við heildarsamtök starfsmanna ríkisins. Því styð ég þá tillögu að vísa málinu frá. Ég segi já.
