[prenta uppsett í dálka] 151. fundur
Pétur H. Blöndal:
Herra forseti. Við erum að greiða atkvæði um frv. sem kom inn í þingið sem gott mál og batnaði mjög í meðförum þingsins, sérstaklega í meðförum hv. efh.- og viðskn. þar sem fjöldi ábendinga barst frá hagsmunaaðilum. Þetta mál tekur á vandamálum sem hafa truflað almenning í landinu svo sem biðlaunaréttinn þar sem fólk er á tvöföldum launum. Þetta mál tekur líka á æviráðningunni sem hefur líka verið andstætt hugsun almennings og bætir auk þess launakerfi ríkisstarfsmanna. Ég segi já.
