Hjörleifur Guttormsson (andsvar):
Virðulegur forseti. Hér er sjálfsagt ágætt mál á ferðinni og ég ætla ekki að gera athugasemdir við þessa tillögu eða afgreiðslu á henni sem slíkri en þegar ég hlýði á framsögu fyrir málinu þar sem talað er um íþróttir stúlkna og kvenna spyr maður: Hvar eru mörkin á milli stúlkna og kvenna? Er þörf á þessari aðgreiningu eins og hún er sett fram? Ég bið framsögumann nefndarinnar um að skýra fyrir þingheimi hvar þessi mörk liggja.