[prenta uppsett í dálka] 158. fundur
Jóhanna Sigurðardóttir:
Virðulegi forseti. Ég sé engin rök fyrir því að forseti Íslands skipi skólastjóra Lögregluskóla ríkisins eins og greinin kveður á um enda gengur þetta gegn þeirri þróun sem verið hefur í þessu efni. Ég er líka á móti því að binda stöðu skólastjóra við lögfræðimenntun eins og greinin gerir ráð fyrir og vísa þar í álit lögreglumanna en þar segir orðrétt, með leyfi forseta:
,,Lögreglumenn benda á að það er gegn því sem tíðkast í nágrannalöndum að skólastjóri Lögregluskólans eigi að vera lögfræðingur. Yfirleitt er ætlast til að hann komi úr röðum lögreglumanna nema þar sem sérstakar kröfur eru gerðar um sérmenntun á sviði skólamála.``
Ég sit hjá við þessa grein.
