[prenta uppsett í dálka] 160. fundur
Hjálmar Árnason:
Herra forseti. Hér er verið að greiða atkvæði um frv. til laga um stjórn fiskveiða. Það er vert að vekja athygli á því að hér er um að ræða frv. sem byggir á samkomulagi milli hæstv. sjútvrh. og Landssambands smábátaeigenda. Það er líka vert að vekja athygli á því að hér með er í fyrsta sinn búið að ná samkomulagi milli framkvæmdarvalds og hagsmunaaðila í smábátaútgerð. Því er afskaplega mikilvægt að það samkomulag haldi og þess vegna mun ég greiða því atkvæði.
