Hjörleifur Guttormsson:
Hæstv. forseti. Hér er verið að greiða atkvæði um eitt umdeildasta mál sem komið hefur fyrir þetta þing, mál sem varðar gífurlega mikla hagsmuni fyrir almenning í landinu og fyrir þjónustu hins opinbera. Með þessu frv. er stefnt að því að auðvelda einkavæðingu póst- og símaþjónustunnar í landinu og við sem erum andvíg þessu frv. óttumst að þess verði ekki langt að bíða að þetta skref verði stigið, að það eina hlutabréf sem geymt verður í skúffum hæstv. samgrh. verði dregið fram og sett á hinn almenna markað til sölu. Ég segi nei.