[prenta uppsett í dálka] 161. fundur
Jóhanna Sigurðardóttir:
Herra forseti. Þessi útfærsla á fjármagnstekjuskatti er skattur á venjulega sparifjáreigendur en ekki á stóreignafólk. Hér er verið að leggja skatta á líknarfélög og íþróttafélög. Hér er verið að tvískatta aldraða og öryrkja. Hér er verið að búa í haginn fyrir mikla peningatilfærslu til eignafólks úr ríkissjóði og frá launafólki. Hér er verið að skipta fólki upp í hópa, annars vegar launafólk sem greiðir yfir 42% skatt af sínum tekjum og hins vegar fjármagnseigendur sem greiða munu 10% skatt af sínum tekjum. Ég styð fjármagnstekjuskatt sem jafnar skattbyrðirnar og sem leggur skatt á hina raunverulegu fjármagnseigendur. Ég vil ekki bera ábyrgð á svona óréttlátri útfærslu og greiði ekki atkvæði.
