Hjörleifur Guttormsson:
Virðulegur forseti. Ég bið hv. þm. að líta á neðstu línu á bls. 7 í frv. Þar stendur: ,,Má þar ekki raska náttúrufari né gera mannvirki sem spilla svip landsins. Í friðlýsingu skal nánar kveðið á um hversu víðtæk friðunin er, að hve miklu leyti framkvæmdir á landinu eru takmarkaðar umferð og umferðarrétt almennings og notkun veiðiréttar.`` Ég hef ekki fengið botn í þennan texta og ég er hræddur um að þarna sé verið að gera mistök. Ég vakti athygli á því í umræðu en því er engu sinnt.