Ásta R. Jóhannesdóttir (andsvar):
Herra forseti. Ég trúi varla mínum eigin eyrum hér í þingsölum. Að maður skuli þurfa að hlusta á slík hnútuköst og dylgjur. Ég fæ ekki séð að þessi umræða komi að nokkru gagni fyrir fjölskyldurnar í landinu. Og ég er undrandi á slíkum málflutningi. Það hefur komið í ljós að þetta mál er þrautunnið. Hver svo sem vann það, þá er þetta vel unnið þingmál. Hæstv. félmrh. ætti auðvitað að fagna því og koma málinu í framkvæmd, honum væri sómi að því.